History

မြန်မာဘောလုံးအား အပျော်တမ်းပုံစံမှ ပရော်ဖက်ရှင်နယ်ပုံစံစနစ်သို့ ပြောင်းလဲအကောင်အထည်ဖော် ဆောင်ရွက်နိုင်ရန်အတွက် နိုင်ငံတော်ဝန်ကြီးချုပ် ဗိုလ်ချုပ်ကြီးသိန်းစိန်အား ၂၀၀၈ ခုနှစ်ဒီဇင်ဘာလ (၂၀) ရက်နှင့် ၂၀၀၉ ခုနှစ် ဇန်န၀ါရီလ (၂၂) ရက်များတွင် သွားရောက်တွေ့ဆုံဂါဝရပြု၍ သြ၀ါဒလမ်းညွှန်မှုကို ခံယူခဲ့ပါသည်။ နိုင်ငံတော် ၀န်ကြီးချုပ်အား မြန်မာနိုင်ငံဘောလုံးအဖွဲ့ချုပ် ဥက္ကဋ္ဌ ဦးဇော်ဇော်က Myanmar National League ဟု အမည်ပေးထားသော မြန်မာပရိုလိဂ်အတွက် ချမှတ်ရေးဆွဲထားသည့် စည်းမျဉ်းစည်းကမ်းမူကြမ်းအား အသေးစိတ် ရှင်းလင်းတင်ပြခဲ့ပြီး ဆက်လက် အကောင်အထည်ဖော် ဆောင်ရွက်သွားမည့် အစီအစဉ်များကို ရှင်းလင်းတင်ပြခဲ့သည်။ အဆိုပါ ရှင်းလင်းတင်ပြပွဲသို့ မြန်မာနိုင်ငံဘောလုံးအဖွဲ့ချုပ် ဥက္ကဋ္ဌဦးဇော်ဇော်နှင့်အတူ မြန်မာနေရှင်နယ်လိဂ် ပြိုင်ပွဲဝင် ပရိုကလပ်အသင်းများကို တာဝန်ယူဖွဲ့စည်းပေးသွားကြမည့် တိုင်းရင်းသား စီးပွားရေး လုပ်ငန်းရှင်ကြီးများလည်း တက်ရောက်ခဲ့သည်။ နိုင်ငံတော်ဝန်ကြီးချုပ်က Myanmar National League နှင့်ပတ်သက်၍ အကြံဥာဏ်များပေးကာ စနစ်တကျအထောင်အထည်ဖော်ဆောင်ရွက်သွားရန် လမ်းညွှန်မှုပြုခဲ့ပါသည်။ နိုင်ငံတော်အစိုးရပိုင်းမှ ပံ့ပိုးဆောင်ရွက် ပေးသွားမည့်အချက်များကိုလည်း ရှင်းလင်းလမ်းညွှန်ပြောကြားခဲ့ပါသည်။